उलवे येथे शेजारणीच्या जाचामुळे २२ वर्षीय तरुणीने आयुष्य संपवले

 

 

पनवेल | शेजारणीच्या जाचाला कंटाळून कुमकुम कौर या बावीस वर्षांच्या तरुणीने आत्महत्या केल्याचे समोर आली आहे. आत्महत्या करण्यापूर्वी तिने तिचा मित्र संदीप याला पाठविलेल्या ऑडिओमध्ये ही बाब पुढे आली आहे. उलवे येथे राहणार्‍या कुमकुम बलविंदर कौर या तरुणीने आत्महत्या केल्यामुळे खळबळ उडाली होती.

 

घटनेनंतर कुमकुमचा भाऊ गौरव बलविंदर कुमार यांनी तक्रारीत नमूद केले आहे की, अंजली शर्मा गेल्या काही महिन्यांपासून कुमकुमला सतत मानसिक त्रास देत होती असे म्हटले होते. या तक्रारीच्या आधारे पोलिसांनी अंजली शर्माला या शेजारील महिलेला ताब्यात घेतले घेतले आहे. तसेच शेजारच्या रहिवाशांचेही जबाब नोंदवायला पोलिसांनी सुरुवात केली आहे. प्राथमिक माहितीवरून, कुमकुम आणि अंजली यांच्यात पूर्वीपासून काही वाद आणि तणावाचे प्रसंग घडल्याचे समोर येत आहे.