जेएसडब्ल्यूसाठी महापारेषणाच्या पायघड्या ! योग्य मोबदल्याशिवाय काम करू देणार नाही

 

स्थानिक शेतकऱ्यांच्या हक्कांबाबत कंपनीकडून घेतले जाणारे धोरण संतापजनक असल्याचे उपस्थितांनी नमूद केले. शेतकऱ्यांना विश्वासात न घेता कामे सुरू केल्यामुळे परिसरात असंतोष वाढत असून प्रशासनाने या प्रकरणाकडे गांभीर्याने लक्ष देण्याची मागणी करण्यात आली.

यावेळी रायगडचे जिल्हाधिकारी किशन जावळे यांनी सकारात्मक भूमिका घेतली; मात्र कंपनी आणि महापारेषणच्या अधिकाऱ्यांच्या भूमिकेवर शेतकरी खूश दिसले नाहीत. त्यामुळे योग्य मोबदला, पारदर्शक प्रक्रिया आणि आवश्यक सुविधा दिल्या तरच शेतकरी सहकार्य करतील, असा स्पष्ट संदेश बैठकीत देण्यात आला.

दरम्यान, “शेतकऱ्यांना विश्वासात न घेता त्यांच्या जमिनीवर टॉवर आणि विद्युत वाहिन्या उभारल्या जात आहेत. योग्य मोबदला आणि पायाभूत सुविधा दिल्याशिवाय भूसंपादनास तयार होणार नाही,” असा इशारा शेकाप नेते ॲड. मानसिंह म्हात्रे यांनी दिला.