पनवेलमध्ये 16 वकील जनतेच्या दरबारात! वकिलांचा प्रचारात युक्तिवाद मतदार ग्राह्य धरणार का?

 

 

पनवेल । पनवेल महानगरपालिकेच्या निवडणुकीत कायद्याची पदवी घेतलेले आणि प्रत्यक्ष वकिली व्यवसाय करणारे तब्बल 16 वकिल उमेदवार विविध प्रभागांतून निवडणूक रिंगणात उतरले आहेत. त्यामुळे भविष्यात पनवेल महापालिकेत कायदेशीर जाण असलेल्या लोकप्रतिनिधींची संख्या वाढण्याची शक्यता वर्तवली जात आहे.

 

यंदाच्या निवडणुकीतील सर्वाधिक लक्षवेधी प्रभाग म्हणजे प्रभाग क्रमांक 17. येथे तब्बल चार वकील थेट आमनेसामने असून प्रचार अधिक तर्कशुद्ध, मुद्देसूद आणि कायदेशीर भाषेत सुरू असल्याचे चित्र आहे. या प्रभागात पनवेल बार असोसिएशनचे माजी अध्यक्ष अ‍ॅड. मनोज भुजबळ, माजी नगराध्यक्ष सुनील घरत यांच्या कन्या अ‍ॅड. शिवानी घरत, भाजपकडून अ‍ॅड. प्रकाश बिनेदार तसेच कपबशी चिन्हावर अपक्ष म्हणून निवडणूक लढवणारे अ‍ॅड. जयसिंग शेरे यांचा समावेश आहे.

 

कामोठे परिसरातील प्रभाग क्रमांक 12 मध्ये शेतकरी कामगार पक्षाकडून अ‍ॅड. सिद्धार्थ सोनाजी इंगळे (शिट्टी चिन्ह) यांनी भाजपचे उमेदवार प्रभाकर कांबळे यांना थेट आव्हान दिले आहे. याच प्रभागात अ‍ॅड . सुलक्षणा जगदाळे या हेलिकॉप्टर चिन्हावर अपक्ष म्हणून मैदानात उतरल्या आहेत. त्या एकनाथ शिंदे यांच्या शिवसेनेच्या महिला महानगर संघटनेत सक्रिय होत्या; मात्र उमेदवारी न मिळाल्याने त्यांनी अपक्ष लढत देण्याचा निर्णय घेतला आहे. प्रभाग क्रमांक 6 मध्ये नागरिकांचा मागास प्रवर्ग या जागेवर भाजपकडून माजी नगरसेवक अ‍ॅड. नरेश ठाकूर निवडणूक लढवत असून,..