पाली प्राथमिक आरोग्य केंद्राचा भोंगळ कारभार , जखमी अवस्थेतील तरुण तीन तास उपचाराविना विव्हळत

 

सुधागड-पाली | पालीतील प्राथमिक आरोग्य केंद्रात २० जुलै रोजी दुपारी रोशन सत्यवान पवार हा आदिवासी तरुण गंभीर जखमी अवस्थेत उपचार घेण्यासाठी आला होता. मात्र यावेळी येथे एकही डॉटर उपलब्ध नव्हता. अडीच ते तीन तासांनंतर खवली येथील डॉटरांनी येऊन या तरुणाला तपासले व इथे उपचार करणे शय नसल्याचे सांगून या तरुणाला जिल्हा रुग्णालय अलिबाग येथे उपचारासाठी नेण्यास सांगितले.

 

मात्र १०८ व १०२ रुग्णवाहिकासुद्धा उपलब्ध झाल्या नाहीत. नाईलाजाने पदरमोड करून खाजगी रुग्णवाहिकेतून या तरुणाला अलिबाग येथे देण्यात आले. रोशन पवार याच्या कानातून रक्त येत होते. पाठीवर अनेक मारहाणीच्या खुणा देखील होत्या. मात्र प्राथमिक आरोग्य केंद्रात एकही डॉटर उपलब्ध नव्हता. आरोग्य केंद्रात केवळ दोन परिचारिका उपस्थित होत्या. डॉटरअभावी रुग्णाला तीन तास ताटकळत रहावे लागले. यावेळी त्या ठिकाणी उपस्थित असलेले रिपब्लिकन सेनेचे रायगड जिल्हा अध्यक्ष अमित गायकवाड यांनी सांगितले की, प्राथमिक आरोग्य केंद्रात दोन डॉटर आहेत.

 

त्यापैकी डॉ. प्रियंका गवळी या रीतसर रजेवर होत्या. तर डॉ. अभिजीत तळेकर हे स्वतःचा मोबाईल बंद करून गायब होते. याबाबत अमित गायकवाड यांनी परिचारिका यांना विचारणा केली असता आम्हाला डॉटर कुठे आहे माहिती नाही, असे सांगण्यात आले. दरम्यान रुग्णाची परिस्थिती गंभीर असल्याने त्याच्यासमवेत असलेल्या नातेवाईकांनी गोंधळ घातला. पर्यायाने उपस्थित असलेल्या परिचारिकांनी खवली येथील डॉटर शुभम चिवेगावे यांना फोन केला. यानंतर दहा मिनिटांनी ते आले रुग्णाला तपासून इथे उपचार होणार नाहीत, असे सांगून त्याला अलिबाग येथे जिल्हा रुग्णालयात पाठवले.

शासनाने नेमलेल्या १०८ व १०२ या नंबर वरील दोन्ही रुग्णवाहिका नसल्याने सुद्धा रुग्णाचे हाल झाले. १०८ क्रमांकाची रुग्णवाहिका खोपोली येथून संध्याकाळी सात वाजता उपलब्ध होणार होती. तसेच पालीतील १०८ क्रमांकाची रुग्णवाहिका माणगाव येथे गेली होती व तेथून घरोशीवाडी येथे बस पलटी झाल्याने तिथे रुग्णांना आणण्यासाठी गेली होती.

 

त्यामुळे तिलाही पालीत येणे शय नव्हते. तर १०२ क्रमांकाची रुग्णवाहिका ही रुग्णाला घेऊन गेली होती, त्यामुळे तिलाही उशीर होणार होता. या जखमी तरुणावर लवकर उपचार होणे गरजेचे होते. कारण आधीच त्याला प्राथमिक आरोग्य केंद्रामध्ये तीन तास तात्कळत राहावे लागले परिणामी त्याच्या नातेवाईकांनी त्याला खाजगी रुग्णवाहिकेतून नेले.

याबाबत अमित गायकवाड यांनी तालुका आरोग्य अधिकारी शशिकांत मडवी व डॉटर अभिजीत तळेकर यांच्याशी संपर्क साधण्याचा प्रयत्न केला असता त्यांचे मोबाईल नॉट रिचेबल होते.

तालुका गटविकास अधिकारी म्हणून माझ्याकडे जेव्हा ही तक्रार आली तेव्हा मी तात्काळ तालुका आरोग्य अधिकारी शशिकांत मडवी यांच्याशी संपर्क केला असता त्यांचा फोन बंद दाखवला. त्यानंतर मी आरोग्य विस्तार अधिकारी धनंजय पाटील यांच्याशी संपर्क साधला व त्यांना सांगितले की तेथे तात्काळ एखादा डॉटर उपलब्ध करा. -लता मोहिते, गटविकास अधिकारी सुधागड

आम्ही ज्या ज्या वेळी प्राथमिक आरोग्य केंद्रात येतो तेव्हा आम्हाला विविध समस्यांना सामोरे जावे लागते. या ठिकाणी कधीच डॉटर वेळेवर उपस्थित नसतात. काही दिवसांपूर्वी मी एका रुग्णाला घेऊन आलो होतो डॉटर उशिरा आल्याने तो रुग्ण दगावला. प्रशासनाने यावर ठोस उपाययोजना करावी. -विेशास वाघमारे, अध्यक्ष, आदिवासी समाज सुधागड