अलिबागजवळ लॉजिंगच्या नावाखाली वेश्या व्यवसाय! लोटस लॉजिंगवर पोलिसांची छापा टाकून कारवाई

मंगळवारी पहाटे पावणेचार वाजता याठिकाणी छापा मारला आणि पीडित तरुणीची सुटका करत, वेश्या व्यवसाय चालविणार्‍या राजेश चौपाल आणि ज्योत्स्ना दास या दोघांना बेड्या ठोकल्या. या दोघांविरोधात भारतीय न्याय संहिता कलम १४३, ३(५) सह अनैतिक व्यापार प्रतिबंध अधिनियम, १९५६ चे कलम ३, ४, ५ अन्वये गुन्हा दाखल करण्यात आला आहे. या दोघांचेही मोबाईल, त्यांच्याकडील रोख रकमेसह २१ हजार ५०० रुपयांचा मुद्देमाल पोलिसांनी जप्त केला आहे.

 

पीडित २७ वर्षीय तरुणी ही मूळची पश्चिम बंगाल राज्यातील असून, ती सध्या अलिबागमध्ये रहायला होती. या तरुणीची सुटका केल्यानंतर, तिची सुधारगृहात रवानगी करण्यात आली आहे. या प्रकरणाचा पुढील तपास पोलीस निरीक्षक किशोर साळे करत आहेत. दरम्यान, पोलीस अधीक्षक आंचल दलाल, अपर पोलीस अधीक्षक अभिजीत शिवथरे यांच्या मार्गदर्शनाखाली अलिबाग पोलीस ठाण्याचे पोलीस निरीक्षक किशोर साळे, पोलीस उपनिरीक्षक दिपक मोरे, महिला पोलीस उपनिरीक्षक सत्यभामा खरात, पोलीस हवालदार जयेंद्र पाटील, परेश म्हात्रे, महिला पोलीस हवालदार मयुरी जाधव, पोलीस शिपाई शुभम नांदगावकर, अनिकेत पाटील, अनिकेत ढिवरे, सुनिल जाधव यांच्या पथकाने ही कारवाई केली.

 

सहा महिन्यांतील दुसरी कारवाई... याआधी १७ डिसेंबर २०२४ रोजी ‘ओयो’च्या नावाखाली हॉटेल शानमध्ये सुरु असलेल्या देहविक्री व्यवसायाचा रायगड स्थानिक गुन्हे शाखेने भांडाफोड केला होता. याप्रकरणी चेंढरे येथील दाम्पत्याला अटक करण्यात आली होती. स्थानिक गुन्हे शाखेचे पोलीस निरीक्षक बाळासाहेब खाडे यांना गुप्त बातमीदारामार्फत चेंढरे येथे ‘ओयो’ लॉजिंगच्या नावाखाली शान हॉटेलमध्ये अवैध देहविक्रीचा व्यवसाय चालविला जात असल्याची माहिती मिळाली होती. त्यानंतर छापा टाकून कारवाई करण्यात आली होती.